Fréttatilkynning
Tilkynning vegna notkunar iðnaðarsalts.
Vegna frétta að undanförnu um að iðnaðarsalt hafi verið notað við matvælaframleiðslu á Íslandi viljum við koma eftirfarandi á framfæri.
Í ljós hefur komið að fyrirtæki mitt er eitt þeirra fyrirtækja sem hefur verslað svokallað iðnaðarsalt af heildsölu hér á Íslandi.
Við notuðum þetta salt í góðri trú um nokkurra mánaða skeið á árinu 2011 en hófum kaup á öðru salti frá öðrum heildsala í september 2011.
Við höfum ekki átt þetta tiltekna salt í okkar fórum síðan í september og engar vörur hafa verið sendar frá okkur með þessu salti síðan í september 2011.
Við biðjum þá sem hafa verslað vörur á árinu 2011 með þessu salti innilega afsökunar á þessum mistökum og mun í kjölfarið skoða vel okkar innkaupaferla.
Kær kveðja
Karl Ómar Jónsson
Framkvæmdastjóri
Esja Gæðafæði ehf.
|
|
 |
|
